The Walwa Kranti

संपादक : गजानन शेळके संपर्क मो ९९६०१९७४३६

आष्टा येथील प्रथितयश श्री गणेश नागरी सहकारी पतसंस्थेच्या वतीने सन २०१९-२०२० या अर्थिक वर्षासाठी १३% लाभांशाची घोषणा संस्थेचे चेअरमन मा. श्री. अजिज आब्बास मुजावर यांनी केली.

आष्टा प्रतिनिधी

कोरोना महामारीच्या पार्श्वभुमीवर राज्य शासनाने वार्षिक सर्व साधारण सभा घेण्यावर निबंध घातले होते यामुळे लाभांश देणे अडचणीचे झाले होते. याकरीता महाराष्ट्र राज्य पतसंस्था फेडरेशनच्या माध्यमातुन पाठपुरावा करून सहकारी कायदयामध्ये दुरुस्ती करून संचालक मंडळ सभेस अधिकार दयावेत यासाठी प्रयत्न करण्यात आले होते या लढयास यश येऊन चालू वर्षाकरीता लाभांश वितरणाचा अधिकार संचालक मंडळ सभेस दिलेचा अध्यादेश नुकताच प्राप्त झाला. यावरती लगेचच मा.संचालक मंडळाची सभा घेवून नफा विभागणी करून लाभांशाची घोषणा करणेत आली. यामुळे संस्था स्थापनेपासुन सातत्याने प्रतिवर्षी लाभांश वितरित करण्याची परंपरा कायम ठेवली आहे.मार्च २०२० अखेर संस्थेस २ कोटी ३८ लाखाचा निव्वळ नफा झालेला आहे .संस्थेच्या दृष्टीने योग्य ती विभागणी करून हा लाभांश जाहीर करणेत आला असल्याची माहिती संस्थेचे संचालक मा. श्री . आर. आर.उंटवाल यांनी दिली. संस्थेकडे आँक्टोबर २०२० अखेर १५१ कोटी ठेवी ,१०७ कोटीचे कर्जवितरण, ६७ कोटीची सुरक्षित गंतवणुक केलेली आहे. ८५४० सभासद संख्या व ४ कोटी ९२ लाखाचे भागभांडवल जमा असून स्वनिधी २४ कोटी २५ लाखाचा झालेला आहे. संस्थेचे नेट एनपीए शुन्य टक्के राखण्यात संस्थेस सतत यश मिळालेले आहे.
संस्था अर्थव्यवहाराबरोबर काळाची पावले ओळखुन एन ई एफ टी व आर टी जी एस सुविधा ग्राहकांना पुरवित आहे. कर्जाचे व्याजदर कमी करून शेतक-यांना सुलभ कर्ज उपलब्ध व्हावे यासाठी प्रयत्नरत आहे. दसरा दिपावलीच्या निमित्ताने अल्प व्याजदरात सोने तारण तसेच वाहण तारण कर्जर्ची उपलब्धता करून दिली असलेची माहिती संस्थेचे संचालक श्री. सुभाषचंद्र झंवर यांनी दिली.यावेळी संस्थेचे चेअरमन श्री. अजिज मुजावर ,व्हा.चेअरमन श्री दिपकराव साठे, संचालक श्री. सुभाषचंद्र झंवर, श्री. धनपाल चौगुले, श्री. रामनारायण उंटवाल ,श्री. शिवाजीराव शिंदे ,श्री विठ्ठल तळवलकर, श्री.भाऊसो लोहार, श्री. राजेंद्र मळणगांवकर, श्री. राजाराम शेळके, श्री. अरविंद महाजन, सौ अनुराधा झंवर, श्रीमती रंजना पाटील ,तज्ञ संचालक श्री गणपती जाधव ,श्री . सर्जेराब तांबवेकर व जनरल मँनेजर श्री. एन.बी.काळोखे उपस्थित होते.

E

You may have missed

1 min read

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.