The Walwa Kranti

संपादक : गजानन शेळके संपर्क मो ९९६०१९७४३६

इस्लामपुर पुन्हा तीन दिवस ‘लॉकडाऊन’ रविवार दि. २३ ते मंगळवार दि.२५ ऑगस्ट शहरातील सर्व व्यवहार बंद.

इस्लामपूर विशेष प्रतिनिधी

इस्लामपूर शहरात वाढत्या कोरोना संसर्गाच्या पार्श्वभूमीवर इस्लामपुरात पुन्हा तीन दिवस पूर्ण ‘लॉकडाऊन’ करण्यात येणार आहे. रविवार दि. २३ ते मंगळवार दि.२५ ऑगस्ट या काळात शहरातील पूर्ण व्यवहार बंद ठेवण्यात येणार आहेत. अशी घोषणा प्रांताधिकारी नागेश पाटील यांनी केली. प्रशासकीय अधीकारी, नगरपालिका प्रशासन, नगरसेवक व पोलीसप्रशासनाच्या व्हिडिओ कॉन्फरन्स बैठकित हा निर्णय घेण्यात आला.इस्लामपूर शहरात कोरोनाबधित रुग्ण आढळल्यानंतर, रेठरेधरण येथील वृद्ध रुग्णाचा अहवाल पॉझिटिव्ह तसेच निगडी येथील रुग्णाचा अहवाल पॉझिटिव्ह आल्यानंतर शहरात तीनदिवसीय लॉकडाऊन पाळण्यात आला होता. इस्लामपूर शहरात बुधवारी तहसीलदार, नगरसेवक, डॉक्टर, पोलीस अधिकारी यांना कोरोनाची लागण झाली आहे. गुरुवारी दिवसभरात वाळवा तालुक्यात 18 कोरोना पॉजीटिव्ह असून त्यापैकी 10 बाधित इस्लामपूर शहरातील आहेत. त्यामुळे लॉकडाऊनची ही चौथी वेळ शहरावर आली आहे. प्रांताधिकारी नागेश पाटील म्हणाले, इस्लामपूर शहर कोरोनामुक्त झाले होते. परंतु पुन्हा शहरात कोरोना बाधितांची संख्या मोठया प्रमाणात वाढली आहे. त्यामुळे पुन्हा शहर तीन दिवस लॉकडाऊन राहणार आहे. मेडिकल व दुध काही ठराविक ठिकाणीच सुरू राहतील.
पोलिस उपाधीक्षक कृष्णात पिंगळे म्हणाले, नागरिकांनी विनाकारण घराबाहेर पडू नये. सर्वांच्या सुरक्षिततेसाठी तीन दिवसीय कडक लॉकडाऊन पाळणे आवश्यक आहे. नियम व कायद्याचे उल्लंघन झाल्यास पोलीस कोणतीही गय करणार नाहीत. लॉकडाऊन नंतर बैठक घेऊन पुढील दिशा ठरवली जाईल.

E

You may have missed

1 min read

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.