The Walwa Kranti

संपादक : गजानन शेळके संपर्क मो ९९६०१९७४३६

उरूण-इस्लामपुर नगरपरिषदेचे नुतन मुख्याधिकारी अरविंद माळी यांचे स्वागत तर माजी मुख्याधिकारी यांचा निरोप समारंभ संपन्न


उरूण इस्लामपुर नगरपरीषदेच्या मुख्याधिकारी प्रज्ञा पवार यांची पुणे महानगरपालिकेच्या उपायुक्त पदी बदली झाल्याने पालघर नगरपालिकेचे मुख्याधिकारी अरविंद माळी यांनी उरुण- इस्लामपुर नगरपरीषदेच्या मुख्याधिकारी पदाचा पदभार स्विकारला. आज नगरपालिका सभागृहात दोन्ही अधिकार्‍यांचा सन्मान उरूण – इस्लामपुर नगरपरीषदेचे नगराध्यक्ष व भाजपाचे माजी जिल्हा उपाध्यक्ष निशिकांत भोसले- पाटील (दादा) यांच्या हस्ते करण्यात आला.
यावेळी प्रज्ञा पवार म्हणाल्या शहरात केलेल्या सेवेबाबत समाधान व्यक्त केले व गेल्या वर्षीचा महापुर व यावर्षीचा कोरोना या दोन्ही संकटात ही शहरवासिय, लोकप्रतिनिधी,सामाजिक कार्यकर्ते,नगरपालिका अधिकारी,कर्मचारी यांचे लाभलेल्या सहकार्याबद्दल कृतज्ञता व्यक्त करुन सर्वांच्या सहकार्यामुळेच शहरावरील कोरोनावर मात करता आली.यापुढे ही शहराच्या प्रगतीसाठी माझे सदैव सहकार्य राहील.
यावेळी नुतन मुख्याधिकारी अरविंद माळी म्हणाले शहराचा इतिहास हा संपुर्ण महाराष्ट्राला ज्ञात आहे,शहराची विकासात्मक वाटचाल सुरु असुन लोकप्रतिनिधी,नागरीक व प्रशासन यांची सांगड घालुन शहराच्या विकासात्मक वाटचालीत भर घालणार असल्याचे सांगितले.
यावेळी बोलताना नगराध्यक्ष व भाजपाचे जिल्हा उपाध्यक्ष म्हणाले शहराला गेल्या अनेक वर्षाचा ऐतिहासिक वारसा आहे,तालुक्याचे अर्थिक व विकासाचे केंद्र असुन अनेक योजना व विकासकामे मार्गी लागली आहेत.काही योजना व विकासकामे ही प्रलंबीत आहेत ती लवकरच मार्गी लागतील,नेहमी नगरपालिका प्रशासन अधिकारी ,कर्मचारी,लोकप्रतिनिधी व नागरीकांचे चांगल्या कामासाठी सहकार्य लाभले आहे.भविष्यातील इस्लामपुर शहर एक विकासाचे माॅडेल बनविण्यासाठी नुतन मुख्याधिकारी अरविंद माळी यांचे मार्गदर्शन व सहकार्य लाभेल.
यावेळी उपनगराध्यक्ष दादासाहेब पाटील,राष्ट्रवादीचे गटनेते संजय कोरे,नगरसेवक वैभव पवार,माजी नगरसेवक भास्कर कदम ,नगरपालिका प्रशासन अधिकारी,विभागप्रमुख,कर्मचारी उपस्थित होते.

E

You may have missed

1 min read

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.