The Walwa Kranti

संपादक : गजानन शेळके संपर्क मो ९९६०१९७४३६

कृष्णानगर,हाळ गावामधील वीर जवान, पोलीस अधिकारी व त्यांच्या आई वडिलांचा सत्कार – सदिप सावंत

कृष्णानगर,हाळ गावामध्ये वीर जवान, पोलीस अधिकारी तसेच त्यांच्या आई वडिलांचा सत्कार..
15 ऑगस्ट स्वातंत्र्य दिना दिवशी भारतीय जनता पार्टी तर्फे कृष्णा नगर, हाळ गावातील देशाच्या रक्षणाकरिता जे जे शूर जवान सीमेवरती कार्यरत आहेत, तसेच पोलीस अधिकारी या कोरोना सारख्या महाभयंकर संकटामध्ये देखील आपले कर्तव्य बजावत आहेत त्या सर्वांच्या घरी जाऊन शूर जवानांचा तसेच त्यांच्या माता-पित्यांचे पुष्पगुच्छ देऊन त्यांचा सन्मान केला व आभार मानले.कारण त्या मातापित्यांनी त्या मुलांना घडवून देशाच्या रक्षणासाठी पाठवले ही एक देशासाठी, गावासाठी खूप अभिमानास्पद गोष्ट आहे.
सैनिक मित्र त्यांचे माता पिता यांना अतिशय आनंद झाला, युवा सैनिका मधून युवा चेतना दिसल्या देशाप्रती असणारे प्रेम ,गावाकडची ओढ कुटुंबावर असणारा प्रेम,हे सर्व त्यांच्या नजरेत आम्हाला दिसत होतं. त्यांच्याकडूनही आम्हाला खूप प्रेरणा मिळाली.
पोलीस प्रशासनामध्ये कार्यरत असलेले आमचे मित्र विशालभाऊ पाटील यांनी देखील या कोरोणासारख्या महाभयंकर संकटामध्ये मुंबई येथे महत्त्वपूर्ण कामगिरी आपल्या सेवेतून बजावली यासाठीदेखील त्यांचेही योगदान देशासाठी मोलाचे आहे म्हणून त्यांचा उचित सत्कार आम्ही केला..भाजपा कारंदवाडी कृष्णानगर यांच्या तर्फे भाजपा संघटन सरचिटणीस संदीप सावंत प्रकाश हॉस्पिटलचे म
मानदसंचालक अनिलभाऊ सरदेशमुख सहसंचालक किरण पाटील सामाजिक कार्यात अग्रस्थानी असलेले संदीप कोकरे, तेजस सूर्यवंशी, मोहन पाटील,शशिकांत पाटील इतर अनेक कार्यकर्ते सत्कारप्रसंगी उपस्थित होते..

E

You may have missed

1 min read

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.