The Walwa Kranti

संपादक : गजानन शेळके संपर्क मो ९९६०१९७४३६

कोनोली सरपंचपदी दिपाली कांबळे यांची बिनविरोध निवड

कोनोली सरपंचपदी दिपाली कांबळे यांची बिनविरोध निवड

म्हासुर्ली प्रतिनिधी

कोनोली तर्फ असंडोली (ता. राधानगरी ) येथील ग्रुप ग्रामपंचायतीच्या सरपंचपदी दिपाली प्रदीप कांबळे यांची  बिनविरोध निवड करण्यात आली.अध्यक्षस्थानी मंडल अधिकारी देविदास तारडे होते. कोनोली ग्रामपंचायतीच्या अगोदरच्या सरपंच वरती इतर सदस्यांनी अविश्वास ठराव आणल्याने  सुमारे एक वर्षापासून सरपंचपद रिक्त होते.तसेच अविश्वास ठरवानंतर गेले काही महिने कायदेशिर वादविवाद सुरू होते.मात्र त्यात अविश्वास दाखल केलेल्या सात सदस्यांच्या बाजूने निकाल लागल्याने नवीन सरपंच निवडीकडे साऱ्या पंचक्रोशीचे लक्ष लागून होते. मात्र सरपंचपदासाठी दिपाली कांबळे यांचा एकमेव अर्ज दाखल झाल्याने त्यांचा नावाची सरपंचपदी वर्णी लागली.प्रास्ताविक ग्रामसेवक समीर ठिकपुर्ले यांनी केले .या निवडीवेळी नूतन सरपंच दीपाली कांबळे व जिल्हा परिषद सदस्य विनय पाटील यांचा सत्कार माजी सरपंच बाळाबाई पाटील व लक्ष्मण कुपले यांच्या हस्ते करण्यात आलाया निवडीवेळी उपसरपंच अब्दुल पखाली, सदस्य गजानन सोनार ,मनोज नारकर ,बाळाबाई पाटील ,शोभा पाटील ,लक्ष्‍मण कुपले,मारूती पाटील, भागोजी पाटील, आनंदा पाटील, तलाठी विजय पाटील व अन्य मान्यवर व ग्रामस्थ मोठ्या संख्येने उपस्थित होते.आभार शाळा व्यवस्थापन समितीचे अध्यक्ष तुकाराम कांबळे यांनी मानले.

Leave a Reply

Your email address will not be published. Required fields are marked *

E

You may have missed

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.