The Walwa Kranti

संपादक : गजानन शेळके संपर्क मो ९९६०१९७४३६

मोदीच्या ताफ्यातील कमांडो चा इस्लामपुर भाजपावतीने सत्कार…

इस्लामपुर / प्रतिनिधी
भारताचे पंतप्रधान सन्मानीय नरेंद्रजी मोदी यांच्या सुरक्षाविभागात इस्लामपुर शहरातील कमांडो आप्पासाहेब कांबळे यांच्या सेवानिवृत्ती नंतर इस्लामपुर शहरातील भाजपा वतीने सत्कार करण्यात आला.
यावेळी भाजपाचे अध्यक्ष अशोकराव खोत यांच्या हस्ते कमांडो आप्पासाहेब कांबळे यांचा सत्कार करण्यात आला.यावेळी आप्पासाहेब कांबळे यांनी त्याच्या सेवेतील अनेक अनुभव सांगितले,मोदीसाहेबांच्या कामाची कार्यपध्दत ही जगात भारत देशाला पहिल्या क्रमांकावर आणणारी आहे.मला त्याच्यासोबत काम करण्याची मिळालेली संधी व ते क्षण मी कधी ही विसरू शकणार नाही असे मत यावेळी आप्पासाहेब कांबळे यांनी व्यक्त केले.
यावेळी भाजपा कामगार आघाडीचे शहरध्यक्ष सुयश पाटील,युवा नेते प्रविण परीट,अक्षय कोळेकर,वजीर डाके,संतोष कबुरे,तेजस रास्कर आदि मान्यवर उपस्थित होते.

E

You may have missed

1 min read

पूरग्रस्तांना शासनाकडून मिळणारी सर्वप्रकारची मदत
त्वरीत मिळावी यासाठी खबरदारी घ्या
प्रभारी अप्पर जिल्हाधिकारी मौसमी चौगुले-बर्डे
वाळवा क्रांती / सांगली जुलै महिन्यात आलेल्या महापुरात पूरग्रस्त भागातील लोकांचे अतोनात नुकसान झाले आहे. पूरग्रस्तांना शासनाकडून मिळणारी सर्वप्रकारची मदत विनाविलंब, विना अडथळा मिळावी यासाठी आवश्यक सर्व खबरदारी घ्यावी. कोणतीही अडचण उद्भवू नये यासाठी बँक आणि महसूल यंत्रणेने मिळून मार्गदर्शक सूचना तयार कराव्यात , असे निर्देश प्रभारी अप्पर जिल्हाधिकारी मौसमी चौगुले-बर्डे यांनी दिले.
जिल्हाधिकारी कार्यालयात बैठक सभागृहात जिल्हास्तरीय पुनर्विलोकन सल्लागार समितीची बैठक प्रभारी अप्पर जिल्हाधिकारी मौसमी चौगुले-बर्डे यांच्या अध्यक्षतेखाली संपन्न झाली यावेळी रिझर्व्ह बँकेचे प्रतिनिधी नंदकुमार कोकाटे, मिरज तहसिलदार डी. एस. कुंभार, नाबार्ड जिल्हा व्यवस्थापक लक्ष्मीकांत धानुरकर, जिल्हा अग्रणी बँकेचे व्यवस्थापक डी. बी. जाधव, अग्रणी बँकेचे अनंत बेळगी विविध बँकांचे प्रतिनिधी उपस्थितीत होते.अप्पर जिल्हाधिकारी मौसमी चौगुले-बर्डे म्हणाल्या, सन 2021 मध्ये अनेकांना महापुराचा फटका बसला आहे. अशा पूरग्रस्तांना शासन देत असलेली सर्व प्रकारची देय मदत त्वरित मिळावी यासाठी आवश्यक असणारी खबरदारी घेण्याच्या सूचना देवून श्रीमती चौगुले-बर्डे पुढे म्हणाल्या, यामध्ये काही त्रुटी उद्भवल्यास त्याबाबत प्रशासनाला कारणासह कळविण्यात यावे, जेणे करुन त्यातील त्रुटी दुर केल्या जातील. यावेळी प्रभारी अप्पर जिल्हाधिकारी यांनी एप्रिल ते जून अखेर वितरित करण्यात आलेल्या पिक कर्जाचा आढावा घेतला, खरीपासाठी पीक कर्जाचे उदि्दष्ट 1 हजार 890 कोटी 14 लाख असून त्याच्या तुलनेत केवळ 34 टक्के वितरण झाल्याने नाराजी व्यक्त केली. तसेच जिल्ह्यातील सर्व बँक निहाय पिक कर्ज वितरणाचा आढावा घेवून मार्गदर्शक सूचना केल्या
प्रारंभी अप्पर जिल्हाधिकारी मौसमी बर्डे यांच्या हस्ते जिल्हा अग्रणी बँकेच्या पत आराखडा पुस्तिकेचे प्रकाशन करण्यात आले.